شكلة كاربة بين شماسيات في الحدائق

ابومزن الخميس أكتوبر 15, 2009 5:28 am

شكلة بين شماسيات في الحدائق

انا ما حضرتها بس نقلتها وجبتها ليكم ما عارف دا شكلة جد جد ولا كلام مساطيل
--------------------------------------------------------------------------------

هيييييييييييييييييييييي
دايرة تدينى عين؟يا أم وشّاً شين ؟يا قدُر نفرين يا البتفطرى
شحدة,, و بتتعشّى بالدين ؟يضُربك الضريب شقّاق العناقريب
ما تقيفى فى الزلط و تتكلمى غلط..
نحن نححححححححححححححمد الله الغدا ضأن..و التحلية برتكان...
..العشا حمام و التحلية شمّام ..و مليانيييييييييييين يا إنتى
...لا كوع يقد الوسادة لا ساق يضبح الجدادة ...نحن تربية بيت و فرش موكيت.
تربية عِز ورضاعه بِز.أحححححمدو ,مبسووووطة و شلاليفى ممطوطة
هيييييههههيييييييييى.
حليلكم إنتو يا ناس الإشلا ق يا الما سمعتو بى السيريلاك
سُكنة قطاطي ومستوي واطي.شِراكم قطّاعي وركوبكم النقل الجماعي.
بششششششتنة و الناس متمحنة .قهر و فراق أهل.
نببببببببرة و نستبرة و ما نسكن جبرة.يا الديّامة يا حطب القيامة.يا ناس
أمبدة , البِفطُر فيكم ما بتغدّى يا البتستحمّوا بى مويةالعِدّة
عشوائى جدّة ولا فِلل أمبدّة ...دا مستوي داير دَوا
يخخخخخسسسسسسى و مرض نفسى .
هيييييييييييييييييييييييى .
لا كرعيننا رقاق و لا مولودين فى زقاق .أولاد عوااااااااايل و عندنا فايل
ربّونا فى شمبات و حبينا فى البلاط...ولدونا فى الدايات و قرينا فى
الراهبات.نححححححححححححمدو..نحن نشتّت و خلق الله تلقّط .
البنريدو بنولع ليو اللمبة.و الما بنريدو بنحرش ليو الكلبة
ساكنين الخرطوم , محل الرئيس بنوم
والطيارة بتقوم , والجكس بِحوم . أولادنا لابسين الجِنز وحالقين
مارِنز.اولاد راستا ..وعشانا باسطة..وشٌغلنا واسطة .. ما بنتردّى , ونلبس
الشدّة .لا بنركب الركشات , ولا بندخل غُرف الشَات.. بنعرف الذوق ,ومستوانا
فوق .بناكل المنقة و ما بنعرف الزنقة .. بنعرف الجكس , وما بنركب
التكس.اسكيلنا عالي ,ومهرنا غالي.. و مناسبين ناس أمدرمان , العصيرهم رٌمّان ,
و شارعهم شيكان , و محطّتهم شقلبان
و مصاحبين ناس بحرى البيخلطوا فى الكوبرى .كوبرى شمبات المكسّر بالجمبات ,بى
تحت موية و بى فوق عربات عصيرهم أناناس و ما بيضايقوا الناس

حكووووومة والناس مظلووومة
هي وهي أعملى لاين و أقيفى بهايند.و أفهميها.أعملى شخيط و اقيفى بعيد

سجم و كمان عدم فهم؟يا بجم يا ولادة الندم
هييييييييييييييييى و تااانى هييييييييييييى و تانى و تانى
هيييييييييييييييييى.ما تكُبّى الريحة و تعملى تفتيحة , و تخلينا نقيف ليك
فى طرف المعلقة و نورّيك الصعلقة .. هييييييى إتلمّى يا البتقعى و ما بتسمّى
هووووووووووووى.تنبزينى أنا يا كرور يا وسخ الخور يا اللُقمة الفِى الزور
يا شوكة الحوت اللا بتتبلع لا بتفوت لا بتخلّى الزول يموت
ياتربيزة الجزارة يا اللامّة الوسخ و الزفارة والله دى ق ص ّة و دايرة حصّة

هييييييييييييييييييى
أخير ليييييك فتحى عينك قدر الريال و خلّى أضانك قدر العقال ما تخلينى
أدق لصفايح و أطلع الفضايح.و أقيف ليك فى الحوش و أنفُض الكَلُوش
يا مرة يا مجنونة يا شبه حجر الطاحونة يا ليمونة و عاملة فرعونة
هيييييهييييييييييييييييييييييي
غادى غادى الجزام بعادى يا القاعدة برّة للأذى و المضرّة
يا الككوية يا أم جضوماً موية.يا السوقِك بايِر ودمِّك فايِر
لشمس ضربتِك و الرجال أبتِك القطر فاتِك و الزمن شاتِك..يا الفى
الحفلة ما عبّروك.ناس الفيديو فطّوك و ناس العَشا نطّوك.الزمن
خَرَتِك.و الضِحِك شَرَطِك..يا الوزّعتى صورتك و ما فكّيتى بورتك
قطرِك صفّر وسوّاقُو طفّر.
هييييييييييييى.
خِفّة و شعر تِفّة .مرجخيص و النبق الرخيييص ,, جابوهو بالجمعة وباعوهو
علي الدين ياجماعة أنا عارفو كلام هابط وفارغ لاكين عدم موضوع
بيني وبينكم طولة ماسمعتا لي شكلة ذي دي

**ahmed dirar** الثلاثاء أكتوبر 20, 2009 1:01 pm

والله يا ابو مُزن دى بالغت فيهااااااااااااااااااااااااااااااا
دى شكله قويه وناقصا طوريه....ههههههههههههه
زى العينه دى امن المجتمع زاتوووووووو
يخاف منها وما بيجى جمبها..

إنت الودّاك تحضر الشكله دى شنو؟؟؟؟

شكلة كاربة بين شماسيات في الحدائق

شكلة كاربة بين شماسيات في الحدائق

رد: شكلة كاربة بين شماسيات في الحدائق