الجالية السودانية بمدينة ميتز METZ الفرنسية
[

عرست عليك

استعرض الموضوع السابق استعرض الموضوع التالي اذهب الى الأسفل

عرست عليك

مُساهمة  abode في السبت سبتمبر 26, 2009 5:46 pm

عرست عليك



دخل رجل على زوجته
وهي مشغولة بالبيت
وناداها :
قال :ياهناية ...
قالت :ايوه
قال : تعالي دايرك هنا ...
قالت : في شنو ؟؟
قال : تعالي بس وانا بوريك ...
قالت : ياخي انا مشغوله قاعده اكوي في هدومك !
قال : خلي المكوة وتعالي ...
قالت : خلاص كويس ...
ثواني وجاتو لابسها كيف ..كيف ..
وريحتهاطاقة... وابتسامتها ماليه وجهها ...
قالت : أها في شنو ...
عاين ليها بإبتسامة صفراء وقال :
شوفي ... أنا عرست عليك ...
وردلب وقعت على الكرسي وهي تعاين ليهو ...
و بصوت يرتجف
قالت :سجمي ... قلت شنو ؟؟؟
قال : قلت ليك أنا عرست عليك ...
ويالله قومي شيلي هدومك وأرحلي على بيت أبوكي ...


أنا مسافر مع مرتي التانية كم يوم كدا نقضي لينا شهر عسل وبجي
راجع ...
عاينت ليهو بين مصدقة وما مصدقة ...
وبدون مقدمات قام ليك فيها ...
وقال : ما تعايني لي كدا قومي جيبي شنطتك وانا راجيك برة في
العربية ...


طلع وهي تعاين ليهو ومندهشه

ومنططة عيونها ومحتارة ياربي الحاصل شنو ؟؟؟

دقايق وجاتو في العربية ...
وبصوت مخنوق ...
قالت : لو سمحت ممكن تجيب الشنطه ؟؟؟
نزل من العربية وشال الشنطة وختاها في المقعد الخلفي ...


دور العربية وطوالي على بيت أبوها ...
بعد شوية وصلو البيت ...
قال ليها : تفضلي انزلي .....


فتحت الباب ونزل قبلها وشال الشنطه ...
وجاء بي عند بابها ومسك يدها


وقال ليها : حبيبتي

أنا لا عرست عليك ولاهم يحزنون

بس ... ابوك مات !!!
هي بدون ماتشعر قالت:
الحمدلله خوفتني ...



avatar
abode

عدد المساهمات : 24
نقاط : 58
السٌّمعَة : 0
تاريخ التسجيل : 22/09/2009

الرجوع الى أعلى الصفحة اذهب الى الأسفل

رد: عرست عليك

مُساهمة  ahmed dirar في السبت سبتمبر 26, 2009 6:03 pm

سلامات عبودى قصتك تدل على ان الموت اهون على الزوجه من الزواج
عليها,,عشان كِده لازم نحافظ على زوجاتنا وتذكّر حنان امهاتنا...

ونصيحه للمتزوجين زوجتك إذا قصرّت فى حاجه قول ليها انا عاوز اعّرس
عليكى عشان كِده, وشوفها بكره تعمل شنو...وقالوا لو عاوز تدق واحده دقها
بإختها((اكيد فهمتو النصائح دى))..نصائح لخرب البيوت السعيده

_________________
العبد الضعيف لربه
avatar
ahmed dirar
المشرف العام
المشرف العام

عدد المساهمات : 155
نقاط : 199
السٌّمعَة : 0
تاريخ التسجيل : 22/09/2009
العمر : 38

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى