الجالية السودانية بمدينة ميتز METZ الفرنسية
[

نكات مساطيل

استعرض الموضوع السابق استعرض الموضوع التالي اذهب الى الأسفل

نكات مساطيل

مُساهمة  AHMED في الخميس سبتمبر 24, 2009 1:52 pm

واحد مسطول في قسم الشرطة صدم 15 زول بسيارة
الضابط قاليهو : دا شنو العملتو دا يازول
قال: انا كنت سايق في الشارع .. فراملي فكت وفجا ظهر لي زول قدامي، صيوان عرس علي يميني و اولاد صغار علي شمالي.
الظابط قاليهو : طيب ماكان تصدم الزول البراهو.
قال ليهو: انا زاااتي قلته كدة .. لكن هو جري دخل بيت العرس!!!


*********

المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو انتي قايلاني خايف منو؟؟



مسطول بابه دقه...قال:'منو الفي الباب؟' قال ليهو:'افتح يا جدو انا حفيدك'.قاليهو:'يعني حتفيدني في شنو يعني؟'


واحد مسطول مشي الصيدلية قال للدكتور : 'عايز لبن اطفال'.

الدكتور: 'اسمو شنو؟'
المسطول رد : 'اسمو اشرف'


مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو


اتنين مساطيل قاليهم العسكري ' وليه كلكم عيونكم حمرا'؟؟
قالوا ليهو: 'بنبقى لبعض'!!

يقو ليك وأحد مسطول وكمان سكران لمّن مولع لمبة , مشاي بالطريق طاااااخ ضرب الدلجة , في واحد شافو مشي ليهو وحاول يساعدو قال ليهو: جاءت (سليمة)
صاحبنا المسطول إنفض في ملابسو قال ليهو خلية تجي بكرة


وأحد ربح في مسابقة تلفزيونية ثلاث مليون دولار, إدارة إنتاج البرنامج إتصلوا علي تلفون البيت ردت زوجته ووعدتهم سوف يأتي زوجها وتخبره , قالت في نفسها إذا فأجأة زوجها بالخبر ده ح يصاب بجلطة ,إحسن طريقة تتصل علي الطبيب النفساني يحاول أن يتدرج في إيصال الخبره ده , قال ليها جيبي زوجك وتعالي العيادة , فلما جاء زوجها طلبته أن يهذب معها للطبيب النفساني ,
الطبيب يسأل الرجل :"افرض مثلا افرض يعني انك ربحت ثلاثة مليون دولار ".
قاله:" بعطيك نصهم".
في الحال الطبيب أغمية عليه والسبب جلطة


يقو ليك وأحد مسطول وكمان سكران لمّن مولع لمبة , مشاي بالطريق طاااااخ ضرب الدلجة , في واحد شافو مشي ليهو وحاول يساعدو قال ليهو: جاءت (سليمة)
صاحبنا المسطول إنفض في ملابسو قال ليهو خلية تجي بكرة

ــ
مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت

الناس مشت الا الامام و المسطول كان غالبو يقوم ، قام الامام قال للمسطول : 'يا ولدى يلا لفها'،

المسطول : 'يا مولانا انت جادى؟؟'


ـــــ
يلاّ يا محمد خذه دي ..

يقو ليك وأحد حرامي سرق باب بيت وأحد مسطول ,المسطول حسه بحركة وطوالي جري وراء الحرامي الحرامي لمّن إنزنق تكل الباب في أقرب عمود كهرباء وجري جري شديد, صاحبنا المسطول وصل الباب وقعد يدق في الباب كو ,كو,كو ويقول ما تفتح ياجبان ..



اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..

قالو خلاص احنا ننفخ العربيه دي من العادم..نزلو تلاته قعدو ينفخو فى العادم بخشومم...والرابع واقف بعيد بيضحك ضحك شديد...

جوهو قالو ليهو:' بتضحك مالك؟'

قاليهم:' إنتو عووره ولا شنو؟ بتنفخو في العربيه والشبابيك فاتحه؟'
[center][i][b]

_________________

AHMED
مشرف
مشرف

عدد المساهمات : 90
نقاط : 200
السٌّمعَة : 0
تاريخ التسجيل : 23/09/2009
العمر : 36
الموقع : www.scmf.mam9.com

http://scmf.mam9.com/

الرجوع الى أعلى الصفحة اذهب الى الأسفل

رد: نكات مساطيل

مُساهمة  AHMED في السبت سبتمبر 26, 2009 2:47 pm


مسطول خطب في صلاة الجمعه بعد ما
إنتهى سأل صاحبه قاليهو رأيك شنو
بالله؟
قاليهو كويس خالص بس عندك أغلاط
بسيطه :

أولا المنبر عنده سلم مافي داعي
تتلب.. بعدين حكاية السجاره بين
الخطبتين دي
شنو؟ وعلى فكرة ماحصل سمعنا
بصحابي إسمه تامر.. وأبو لهب صاح
كافر بس كلمة ود
الحرام دي مافي داعي ليها.. والملك
فهد ماشارك في غزوة «أحد»! غير كده
إنت ميه
الميه.. والإمام بتاعنا لو كان
معافى من المرض ما كان قال الإنت
قلته.

--------------------------------------

مسطول عمل عملية تجميل.. دخل لي
اهلو قاليهم صدقو ما عرفتكم

-------------------------------------

مساطيل جاتهم كشة في البيت طفوا
السجارة وقعدوا كأن لم يكن شيئاً...
سألهم
الشرطي: الدخان ده جاي من وين؟

قالوا: والله ياخي البيت ده
اجرناهو كدا

----------------------------------------

مسطول مرتو قالت ليهو وأنا بصلي
الكديسة أكلت عشاك قمت دقيتها
قامت جارية، قال
ليها: ما مشكلة بكرة بجيب ليك
كديسة تانية

----------------------------------

واحد مسطول ربى دقنه ودخل الجامع
واحد من المصلين شاف الدقن

قال ليه:يامولانا أنا جيت المسجد
متأخر ولقيت الصلاه فاتتني
بركعتين أعمل شنو
قال ليه :في زول شافك
قال ليه : لا
قال ليه: أعمل نايم
-----------------------------------

مسطول بيحكي لي صاحبه المسطول
والله يامعلم امبارح مشيت لي
سماره القبطي
صاحبنا، أشيل ليك معاه الفاتحه في
أبوه المات!

التاني قال ليه: ياخي الناس ديل
مسيحيين.. عملت شنو؟
قال ليه: ماعشان كده كشحتهم ليك يا
أيها الكافرون لمن آمنو
----------------------------------

قال ليك (في جماعة من الخريجين)
فتشوا شغل في أي مكان فلم يجدوا.....

واحد منهم جاتو فكرة قال يمشي
جنينة الحيوانات يشتغل معاهم ...
مدير الحديقة قال ليهو: والله شغل
ما في لكن ممكن تبقا لينا (قرد)..
لكن كيف أبق
ليكم قرد ؟؟؟
المسألة بسيطة (أصلو نحن عندنا
قرد مات) نلبسك لبسة قرد من الصباح
لحدي آخر
اليوم ونديك مصاريفك 70 جنيه
يومياً
زولك الفكرة عجبتو ووافق ...
في يوم من الأيام ناس الحرس نسوا
باب الأسد فاتح وفي نفس الوقت باب
القرد برضو
كان فاتح..
الأسد جا داخل لي صاحبنا القرد..
زولك بقا يرجف ....ويرجف
.... ويكورك
الأسد قال ليهو: ما تخاف... أخوك
خريج قانون

---------------------------

اتنين قاعدين يسطلو جنب مرايه
واحد قال ل التاني شايف الجماعه
ديل لافنها تعال
نمشي عليهم التاني قال ليه كويس
قام الاول وقف وقعد طوالى التاني
قال ليه مالك
قال شكلهم جاين علينا.

----------------------------

قالوا مسطول سودانى قاعد مع مسطول
مصرى قام قال

'... ليه:' تعرف .. الدنيا دى كلها
مآسـى
المسطول المصرى ق ال ليه: ' ليه ..
هو مقاسك أد ايه؟ '

-------------------------------

مسطول عملوا معاه لقاء فى
التلفزيون

المذيع سأله: ماهو أصعب موقف مرّ
بيك فى حياتك ؟
المسطول قال ليه: يوم ما كنت بحلق
فى دقنى وبلوك لى فى لبانة
---------------------------

مسطول سأل صاحبو قال ليهو: الشيء
البقول ناووو وبطير ده شنو؟

قال: كديسة وشايتنها شلوت!!
----------------------------

قال ليك في مسطول دخل حفلة

والحفلة رابة شدييييد...المسطول
عندو سجارة واحدة بس
كل اغنية يولع السجارة ياخد منها
نفسين ويطفيها ..الغنية البعدها
يولع نفسين
ويطفيها ...في واحد متابعو من
بداية الحفلة

في اخر غنية ولع السجارة برضو اخد
اخر نفسين ورماها في الارض عايز
يطفيها
..جاو اخونا داك جاري قال ليهو
لااااا..
الجماعة ديل عندهم اوفر نايت
---------------------------

مسطول صايم اتصل على ما يطلبه
المستمعون وقال ليهم : ممكن
تسمعونا مقطع من آذان
المغرب؟

--------------------------

مسطول سألوه في لقاء تلفزيوني عن
سبب سخانه الجو اليومين ديل؟؟

رد قال : ده كلو من مشجعين الكوره ..
شغالين يقولو فوق فوق سودانا فوق
لمن
تكلونا مع الشمس..
--------------------------

مسطول طالع فى السلم بدق ليو فى
مسمار المسمار وقع قاليو تعال فوق
،لمن المسمار
ماجاء قام رمى باقى المسامير
قاليهم ارفعو

_________________

AHMED
مشرف
مشرف

عدد المساهمات : 90
نقاط : 200
السٌّمعَة : 0
تاريخ التسجيل : 23/09/2009
العمر : 36
الموقع : www.scmf.mam9.com

http://scmf.mam9.com/

الرجوع الى أعلى الصفحة اذهب الى الأسفل

رد: نكات مساطيل

مُساهمة  ahmed dirar في السبت سبتمبر 26, 2009 5:42 pm

سلامات ابو إحميد
نكات المساطيل القلتهِن ديل اسأل الله ما يكون إنت منهم
السطله دى حتكون ابديه وازليه...ههههههههه

واضحكك الله زى ما اضحكتنى والهديه دى عشان خاطرك


_________________
العبد الضعيف لربه

ahmed dirar
المشرف العام
المشرف العام

عدد المساهمات : 155
نقاط : 199
السٌّمعَة : 0
تاريخ التسجيل : 22/09/2009
العمر : 38

الرجوع الى أعلى الصفحة اذهب الى الأسفل

رد: نكات مساطيل

مُساهمة  AHMED في السبت سبتمبر 26, 2009 10:57 pm

هههههههه ههههههههههه
مشكوووووووور علي الهدية الأخ احمد
و إنشااااااا الله لن اكون مسطووووووووول
يعطيك العافية

_________________

AHMED
مشرف
مشرف

عدد المساهمات : 90
نقاط : 200
السٌّمعَة : 0
تاريخ التسجيل : 23/09/2009
العمر : 36
الموقع : www.scmf.mam9.com

http://scmf.mam9.com/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى